車仔一班老鬼在末段衝刺場場唞足出擊，加上兵多可不斷輪換變招段段有；此刻奪標賠率固然冇肉食，個人相信他們今次作客熱刺，是本季賭車仔單W最後良機，蘇州過後應冇艇搭！因為他們下場主場對史篤城賠率一定雞肋，贏完可能已提早封王；懶理5月初作客利記。至於英足盃決賽對樸茅，博車仔贏兩球的分頭，可能也不及今場單W。何況今場對手熱刺周中硬拼險勝死敵阿仙奴，只因對手太殘及己方門將太勇，匆匆再鬥非太仇視的另一鄰會車仔，戰意、變招能力及體力也稍遜對手，勢難再爆。
周日則捧穩字派的川迪小勝飛燕諾，單W得1.48倍好穩，睇過本欄也知小弟心意，當然會將有分頭的[-1]「和」向大家推介；阿積士近月雖然狂入波，但冠軍人馬從來不似這模樣，你看車仔周中小勝保頓的姿態便是。
上周提及好友推介絕世好股後，竟然最多再升20多巴仙，只怪自己不夠果斷；多得昨日股市跌，令我終可在全日低位入到貨。
信王者心水，短線就算再跌再睇錯，亦不會輕言信心動搖滿口埋怨；否則既不能風雨同路，那何以相為謀並肩打拼？
今周推介：川迪和[-1](3.5)
近5場往績：LWWWL
蘋果波神
簡介：一分耕耘一分收穫，難得半夜睇波娛樂兼備，人生一樂也。捧愛隊可以好主觀，但若能客觀地從足球直播欣賞對戰雙方的表現，你會發現不少投注寶藏，啟發投注靈感。