當年今日
關於我們

【妙問妙答】「網民杯葛《賭城III》喎!」學友奇問:因為乜嘢原因?

蘋果日報 2016/01/31 06:00

蘋果香港灣仔會展王晶學友首映杯葛發哥嘉玲即時晶哥賭城III落咒睇戲睇王晶名校無得升新年睇王晶一世要做兵

網民話罷睇王晶部新片,咁啱部戲今日喺灣仔會展舉行首映,一眾有份演出嘅紅星包括周潤發、劉德華、張學友、張家輝、劉嘉玲等駕到造勢。張家輝回應國語傳媒問佢覺得票房有幾多?佢答:「20億!」

香港傳媒就問番網民嗌杯葛一事,但學友竟然問咗一個大家可能估唔到嘅問題:

「因為啲乜嘢原因?」

記者答係因為王晶之前的言論。

跟手學友再答一個,大家都估唔到嘅答案:

「晶哥同呢部戲係冇關係0架,你哋同我講番出去啦!」

吓?

旁邊嘅發哥就解畫:「係呀,佢(王晶)喺片場淨係瞓覺,不過佢瞓醒就知拍到邊。」

哦……

有冇信心贏星爺部《美人魚》?張家輝又爆咗句驚人之語:

「(省略咗前面一堆形容詞)唔睇就行衰運一年!」

發哥聞言即加強語氣,recapinCantonese:

「唔睇就行衰運一年!」

其實,上去fb睇一睇網民點樣話睇完王晶呢部戲會點點點,再聽番家輝同發哥咁樣講,真係會忍唔住笑。

例句:「睇戲睇王晶名校無得升」、「新年睇王晶一世要做兵」、「打工睇王晶一世無職升」、「老闆睇王晶公司都蝕清」……

做咩啫,新年流流,落咒咩!