相信無人會否認，莫雷拉與潘頓，應是最多馬揀；不論田泰安、利敬國，甚或杜美爾、薛恩、何澤堯，根本上無法與他們二人抗衡。

潘頓唔到輕磅馬，邊個會受益？莫雷拉必然是其一，好似剛周三（25日）谷草賽事「天地人」已是最佳實例，所以與其說，邊個、那個會成為新興的勢力，倒不如多用腦諗番馬匹實力好過！

當兩位大哥揀完揀剩，係咪一定唔好？睇完上周「幸福笑容」於田泰安胯下贏馬、剛周三「劍追風」跑第二，似乎又未必！潘頓騎唔到輕磅馬，「天地人」落入莫雷拉手，也許潘頓唔想放都要放；轉過頭，潘頓又會搶番莫雷拉騎開嘅馬。

兩位大哥這樣搶來搶去，我哋點會唔被影響？只不過，對各人的影響都有所唔同。甚麼以馬為先，以馬論馬，人就係人，唔賭與賭，差別上好大。要賭的話，好難唔受潘頓與莫雷拉傾向，影響成場馬的睇法。

今次（10月1日）三班1400米一組，潘頓會揀「心多多」抑或「聰明導彈」？揀完剩低嗰隻又會落在邊個手上呢？

與其怕被潘頓選擇影響度馬，倒不如唔諗咁多，信莫雷拉一早接手操，早已落實會騎的「超新星」。有「銀紙」實例在前，信苗莫組合，好過諗潘頓會唔會揀錯馬啦！

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港