古天樂和陳慧琳今日到北角一間酒店出席頒獎禮，兩人分別獲頒星級品牌男﹑女代言人獎。

古天樂笑說：「其實做代言人除咗介紹產品功能，最好就係可以享受個產品。最開心就係代言鞋嘅品牌，自己仲可以設計一個系列，好大滿足感。」古仔笑言自己鍾意狂買工具箱及搜購家電，又指希望有機會設計汽車。

以一頭清爽短髮示人嘅索媽Kelly笑言，希望有機會拍攝航空公司廣告，佢話：「可以乘機周圍去旅行，帶埋小朋友去睇吓動物都唔錯。」Kelly又指近日嚴密戒備流感，更要兩兒子每日服用維他命。佢又提到聖誕其間將再度舉行個唱，近日已經開始練舞及操練體能。