內地一線小生黃曉明，除左出名有樣、有錢、有演技、有Angelababy之外，仲有投資眼光！黃曉明於福布斯中國名人榜上，連續上榜8年，當中5代位居內地小生之首。有報道估計，佢依家身家市值有3.92億（人民幣．下同）。今次我地決定借黃曉明成功之路，尋找發達秘笈！

1:知恥近乎勇：黃曉明同趙薇、陳坤係北京電影學院同學。當時趙薇因為「小燕子」角色，紅遍全國，激發佢更發奮。

2:肯捱：06年拍《神雕俠侶》時，曾創造連續5日5夜拍戲唔（目訓）覺紀錄，被劇組稱為「戰神」。

3:肯博：要上位，豬頭骨都要哽！拍《新上海灘》時，由於周潤發的演繹已成經典，佢抱住「必輸」的心態接許文強呢個角色，結果再大紅。

4:投資眼光好：華誼兄弟籌備上市時，黃曉明向朋友借錢，買180萬股華誼股票，經過兩次的轉配股、分紅，到去年4月，他的股權已經達到648萬股。按目前華誼兄弟股價，單計此項投資，黃曉明身家已過億。

5:夠勇：2010年，佢同華誼兄弟合約到期，決定離巢另起爐灶，成立黃曉明工作室，自己做老闆。

6:唔熟唔做：最初涉及紅酒投資，係因為黃曉明本人鍾意飲紅酒，後來睇好中國紅酒市場，於是投資引入法國頂級紅酒拍賣，第一轉就淨賺1500萬，一年就回本。

7:分散投資：投資範圍包括紅酒、高爾夫球場、醫院、酒店、股票等。

8:對伙記好：他是一個善於籠絡人心的老闆，公司有「埋單哥」綽號，因為公司聚餐，10次有8次，他都會靜雞雞埋左張單。傳聞有員工要北京買樓，黃曉明幫佢出首期，不設還款期限。

9:最重要一項：Angelababy！成功男人背後，總係要有一個女人既。