當年今日
關於我們

【新東補選】公務員投范國威不含淚:建制獨大唔係好事

蘋果日報 2018/03/11 16:34


【新增短片】
今次立法會補選,投票率暫未如理想,但有不少市民仍履行公民責任,包括公務員。「投咗6號,平衡啲,(因為)建制人數係多」,公務員鄭先生今午前往粉嶺票站投票,票投新民主同盟范國威,「畀番多啲泛民入去可以拉番勻啲」。他說票投泛民沒有壓力,只是忠於自己,主要考慮目前立法會的形勢,「如果一邊獨大唔係好事,而家情況係好似政府講乜都係啱,都唔係一件好事,能夠大家平衡吓係好啲」。
鄭先生表示,每次都有投票盡公民責任,但難料今次泛民輸贏,「冇得擔心,只要個選舉係公平,邊個多票咪邊個贏」,但被問是否相信選舉是公平,他沉思了一會,「真係好難講,我自己覺得ok嘅,但有好多嘢好難避免,建制嗰邊嘅動員能力,或者所謂嘅鐵票,又唔可以話佢係唔公平」。
鄭先生坦言,若今次泛民輸掉補選,未能重奪立法會分組點票否決權,擔心議會更失衡,「會側晒一邊,只要嗰邊(建制)夠晒票,佢可以唔使聽另一邊嘅說話」。對於現時投票率低,他認為無法控制,「如果你企喺A嗰邊,你都唔出嚟投票畀A,你願意放棄,我都冇得擔心」。
前年立法會選舉,其中一個票站粉嶺香海正覺蓮社佛教正覺蓮社學校,是被DQ的青年新政梁頌恆票倉之一。「想投嗰個都畀人DQ晒,投嚟做乜?」大專生麥先生表示,前年立法會選舉投票給梁頌恆,今次補選投了白票,也是人生第一次。他稱,當梁頌恆被DQ時,新民主同盟范國威只批評梁太激進,「食吓花生就算數,佢都代表唔到我,亦都唔係企喺我立場」。
麥先生指,今次投白票,「就係想表達呢次選舉,其實所有候選人都唔係我心水,我有心水嘅都已經被佢DQ晒,我唯一表達方法就係投白票」,也表達對泛民的不滿,「建制就更加唔使評論」。他表示,不擔心投白票令議會失衡,因覺得議會力量自前年起已幫不到手,往後只會越來越差。化認為,即使政府就23條立法,也不是能靠投票可阻止,「一路都唔覺得泛民投嘅票,真係做到嘢」。
前年立法會選舉投票給「長毛」梁國雄、任職會計的劉先生表示,今次轉投票給獨立候選人方國珊,「雖然預計到最後結果都係大黨勝出,但都想出一分力改變而家議會嘅政治形勢,唔係好想一啲大黨去佔晒所有席位」。他認為,現時建制和泛民都太民粹主義,「冇乜個人諗法,都係跟住佢哋嘅政黨方向去行,所以我覺得咁樣唔係咁好」。
劉先生表示,雖然前年票投梁國雄,但今次補選沒響應泛民呼籲,投票給范國威,「我覺得佢未必會有自己性格、堅持自己理念嘅人」。 他坦言,預計方國珊未能勝出,但仍票投給他,因欣賞對方屢敗屢戰,「我會選一個候選人,選過幾屆都落敗,但堅持自己政治理念」。
立會補選新聞 《蘋果》一網睇晒
http://bit.ly/appledaily311
empty
公務員鄭先生前往粉嶺票站投票,票投新民主同盟范國威。(朱家駿攝)
empty
大專生麥先生(朱家駿攝)
empty
會計劉先生(朱家駿攝)