【本報訊】商場聖誕裝飾美麗,想用數碼相機或手機拍低靚人靚景,效果卻未必人人滿意。其實只要掌握幾個簡單技巧,無論拍人、自拍,都可拍得出色,如與巨型聖誕樹合照,最緊要識得學MJ!
DCFever網站總編輯韓志成(Jeffrey)表示:「好多人見到大大棵聖誕樹或者公仔好靚,就即刻黐埋去影,咁已經錯咗。」Jeffrey說,以巨型聖誕樹作背景時,被拍者應靠近鏡頭「影半身」,身體還要像MichaelJackson的招牌舞蹈動作一樣,向前微傾3度,「咁攝影師低炒時先至影得你靚,唔好只係垂低頭,咁就摺埋咗條頸」。