現年40歲嘅韓劇《巴黎戀人》女星金晶恩今日下嫁拍拖3年嘅圈外男友，雖然之前就被爆未來老公離過婚兼育有一女，但無損金晶恩籌備婚禮嘅心情，佢今日就扮到靚一靚行禮，雖然婚禮就唔對外公開，但有傳媒就偷拍到婚禮裡面嘅情況。

而金晶恩方面亦都好識做，即刻公開新娘子嘅多張婚紗照，當中有佢穿上復古婚紗，但老公仔個樣都係冇得睇，不過粉絲都可以分享一下金晶恩做人嘅喜悅。呢輯婚紗相估計係之前金晶恩影，就唔係今日行禮嘅婚紗照，見到呢位新娘咁鬼幸福，粉絲都應該戥佢開心。