薛凱琪(Fiona)喺銅鑼灣出席一間旅行用品品牌宣傳活動，向來有畫畫天份嘅Fiona，為品牌旅行箱同化妝袋設計，是次合作係為香港乳癌基金會籌款。母親節就到，Fiona話要開工，但佢表示一定會抽時間同媽咪食飯。原來Fiona嘅媽咪好鍾意打機，仲經常搵Fiona教路，此舉其實係借機會陪自己。問到Fiona幾時搵個女婿陪媽咪呢？佢話：「 佢冇催我，好醒目，一切隨緣，但我好忙好多嘢做 。」

Fiona啱啱先喺微博度有新po，話： 「為新歌《周末畫報》揀MV相揀咗四日，總共有幾千張，揀到眼都突埋！」 仲真係見到佢眼都凸...睇嚟真係冇講大話，好忙呀！