小妹是處女座，大家都說處女座的人有點雙重性格，另類思維模式，其實是隨性格和精神狀態而轉。而每個星座皆有附帶特質，就像馬性一樣，動物是獨立個體，要摸熟馬性，才辨識出如何運用思考打破認知的偏見和失誤。

無巧不成話，明日正是我的生日，向來不會大肆慶祝，但今年慶幸有一班支持我的朋友為我預祝生日，也道出今季期望，希望明日工作過後，可以花點時間靜靜地思考重新整理步伐。

講番今期賽事，潘頓繼續成為眾矢之的，剛周日以兩冠三亞一季成績，46分榮登第一期騎師王，兩匹全熱門「勝得威」及「勁無比」贏得清脆利落，表現令馬迷受落。

驚喜騎師要數利敬國，初出即贏「勝利寶石」，尾場再憑「世界紀錄」埋齋，論騎姿確實有點似田泰安，雖然貌似王祖藍般斯文，但跑馬狠勁卻似師傅馬佳善般如狼似虎。

正所謂有個好開始係成功一半，利敬國今晚六匹座騎，其中「金禧足球」、「永益善」及「香江穩勝」都是牌面馬，今晚B欄利中外疊追，不妨揀後上馬。

「永益善」表面睇是潘頓棄騎馬，實際賽前工夫，甚至乎試閘表現毫不失禮。上季尾讓「悅目星光」四磅彈甩一個馬位贏馬，今晚狹路相逢只讓五磅，點秤都比「悅目星光」秤先。

潘頓是場騎「事必獲利」，論質、論年紀都比不上「永益善」好，抽三檔即守黃金包箱位好位，提防是潘頓揀錯馬。

文：莎拉