當年今日
關於我們

【同衛詩雅搞忘年戀】追琦琦只請食蘋果 任達華:o依家啲女仔吊高嚟賣

蘋果日報 2017/03/14 15:30

衛詩雅任達華忘年戀

任達華同衛詩雅今日一齊出席灣仔娛樂影視博覽活動,宣傳佢哋合作嘅英皇電影《我的情敵女婿》,戲入面佢哋有忘年戀。
衛詩雅話唔知有乜嘢親熱戲,佢話:「唔知有冇,拖手啩,覺得好得意,因為自細睇佢電影大,o依家做情侶,好得意。」套戲安排喺7月開拍,不過先前要為同秋生合作嘅驚憟片《失眠》做宣傳,問到佢係咪想攞獎項提名:「最好有啦,因為真係好用心,所以都有啲私心。」任達華記憶同最後生合作有咀嘴戲嘅,應該係同阿Sa合作,佢話:「今次好開心,冇暴力血腥打人,可以畀個女睇下,戲入面我做劏房大王,所以近排都去睇下做下資料搜集。」記者話佢現實喺大業主,華哥話(樓)都喺買嚟擺喺度開心下,仲爆古仔先多物業,佢話:「之前佢高價買咗杜琪峯觀塘嘅一樓二樓物業,我六樓都有個單位,都想佢收購埋我嗰層。」問到佢點同衛詩雅談情,佢話要貼地啲就得,因為o依家啲男仔自我,女仔要吊高嚟賣。佢話當年追老婆琦琦好簡單,請佢食蘋果就得。
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。