當年今日
關於我們

隔牆有耳:聽出槍聲弦外之音 - 李八方

蘋果日報 2007/05/02 00:00


澳門得嗰幾千人出嚟遊行,居然都行到有人向天開槍,砰砰聲嚇到澳門人同安坐家中嘅港人O晒嘴。賭王講過放炸彈不過係「炮仗仔」,見慣大場面嘅十姑娘亦好淡定,聲言一早預咗五一遊行有衝突,開槍有乜咁出奇。
十姑娘同八方講,對開槍事件覺得好遺憾,不過就唔驚奇,「我一早講過澳門遲早會出事,因為執政者長久以來都偏幫嗰啲『既得利益者』,整咗好多唔公平政策,你睇我喺澳門嘅遭遇就知啦。」十姑娘弦外之音,相信實有知音人,佢更勸喻「父母官」要善待市民,「總之解鈴還須繫鈴人」。八方估計佢講嗰位繫鈴人一定係姓何,鏵哥定燊哥,佢哋心中有數。