莊思敏﹑李逸朗（Don）﹑羅蘭﹑鮑起靜﹑曾淑雅﹑邵音音同沈震軒等，今日喺奧海城出席《碟仙碟仙》嘅預告片首播會，其中曾淑雅好識做，着露膊露腰上衫襯高衩短裙出席，晒腳搶鏡，成件事涼爽咗，至於莊思敏都有seethrough嘅。

講番套戲，莊思敏話大部份時間，都係素顏上陣，佢笑住話：「對我嚟講舒服，但對觀眾係好大挑戰，因為戲中有好多煩惱，配合劇情。」戲外嘅佢雖然冇乜感情煩惱，仍然係單身未拍拖，不過早前股票市場大趺，搞到佢損失7位數字。

活動上嘅另一焦點人物，就係早前被指疑因形象花弗，搞到被老闆周焯華（洗米華）掟入雪櫃嘅沈震軒，佢就唔認自己被雪，仲話：「我經理人合約唔係太陽娛樂嘅，只係喺電影同音樂上有合作，簽咗幾部戲未拍。」同時，佢又否認同龔嘉欣同居及拍拖。

至於Don就話喺戲中同Jumbo會有車震親熱戲，佢更為留住愛人而殺妻食人肉，聽落都幾驚喎！