當年今日
關於我們

【愛人結婚了,新娘不是…】癡情女fans:多謝周柏豪給了這麼美好的愛情我…

蘋果日報 2016/11/29 01:41

周柏豪布吉歌迷秘婚Stephanie

(新增影片及回應)周柏豪結婚了,新娘不是……
前排有位女歌迷,喺網上公開向周柏豪瘋狂示愛,留言謂:「新聞說你將會離港拍戲四個月……你唔怕我移情別戀嗎?」、「柏豪你不想跟我一起的,早點揚聲拒絕我,我會盡快找第二個結婚懷孕。」搞到話要為柏豪懷孕咁嚴重,泛起一片小小的風波,網民唔止起底,仲幫佢改埋朵,真係當佢柏豪嫂咁樣樣。喂,你哋真係當正牌嘅柏豪嫂Stephanie透明喎!
其實柏豪俾呢位瘋情fans糾纏唔係第一日,有次佢出席活動時,終於開腔:「呢個fans平時都有參加過我啲活動,但係我多數見佢好靜咁企埋一邊,對於我嚟講,我私底下收過唔少人示愛、求婚嘅訊息,每日都有幾十人。我唔知對方嘅精神狀況,只係唔想件事越搞越大,所以我冇特別嘢想去回應呀!」
有指柏豪已經block 咗呢位fans,但亦可能呢為fans已移情別戀,冇再留言喇,但就喺自己fb透露大計多多……係呀,佢唔懷孕住喇,佢仲諗住用自己個朵JQ,出書(賣$580)同出攬枕!
呢位fans仲有番話送俾柏豪:「其實我應該多謝周柏豪給了這麼美好的愛情我。雖然好多人加入我的愛情空間,我又被人罵……甚至被報道,可是跟周柏豪一起的時光是好開心的。次次是這樣……」
然後今日該名女fans又出fb貼自拍,稱:「對人歡笑背人愁。」、「哭不出來的感覺是不是特別傷心?」、「我想去美國旅行結婚。希望對象負擔得起。我有打算過四十歲才結婚。」、「我已經忘記了這是第幾次。。。。他的新娘不是我。」
振作吧!