出席撐警派對無懼豬隊友
黎瑞恩：繼續做

蘋果日報 2020/01/12 00:00

黎瑞恩撐警薛家燕黎小田
一代音樂巨匠黎小田上月初病逝，享年73歲，他生前一班好友前晚在麥花臣場館舉行悼念演唱會，出席嘉賓包括薛家燕、柳影虹、杜德偉、黎瑞恩、衛蘭、江華及太太麥潔文等，演繹黎小田生前的作品。演唱會開始播出黎小田亡父、作曲家黎草田生前聲帶，指黎小田小時候經常拿着結他扮貓王唱歌。

黎瑞恩在台上演唱《驟雨中的陽光》等歌曲，她在後台接受訪問時，被問到早前與朱庭萱等出席撐警派對，與藍絲及警察食飯，黎瑞恩表示：「我唔會理人，覺得啱嘅嘢就繼續做。」對於朱庭萱爆粗鬧豬隊友不可以擺相上網，她就覺得冇所謂：「其實去得就唔驚，我都係去食飯做啲正經嘢箒，係咪？」
empty
黎瑞恩（右）日前與朱庭萱出席撐警派對，被網民怒插。資料圖片
empty
薛家燕（圖）所穿的蝴蝶裙，曾經與摯友黎小田合作時穿過。
empty
黎小田
薛家燕強忍愁緒
黎小田密友薛家燕就唱出《心肝寶貝》及《胭脂扣》，演唱《胭脂扣》時更播出二人合唱片段，她受訪時一度眼紅紅：「我都提住自己忍住，唔好有太大嘅情緒激動，都驚自己會喊。綵排時真係好似佢喺側邊伴住我，佢走咗個幾月，坦白講我未釋懷，之前仔女帶我去外地旅行，叫我放低，開心番啲，佢都係安詳，叫我唔好掛住。」家燕姐又指演出時所穿的蝴蝶裙，是跟黎小田合作時穿過。
採訪：王連連
攝影：仇志德
empty
（右起）薛家燕、胡諾言、陳敏芝、黎瑞恩、麥潔文與老公江華合唱黎小田創作的《問我》。