7月8日港股大跌後，市場人心惶惶，風聲鶴唳。面對一面倒的熊市論，筆者已第一時間企出來講：「底已見、牛未死」。當日牛熊之爭勝負未分，各持論點也足為奇。但當日凶狠勇猛的抽水怪，已若鼠輩龜縮，實在太令人失望。講就凶狠，做就無能。上周五文章題為「另一個大浪快將出現」，竟然有不少回應話：「升浪定跌浪先」，「又講升又講跌，一定中啦」等。若此等出自網絡打手還可接受，出自一些二打六的傳媒抽水怪，就令人氣憤。因此等鼠輩行為藏頭露尾之餘，真令人懷疑他們是「文盲」還是「盲」！大浪是升定跌，睇內文吧！難道叫買港交所（388）認購證，會看大市出現大跌浪？為抽水而抽水，自暴其短，俾人睇到你咁白癡啦。