【希望幫到學員】任《全民造星》導師被批評 馬天佑會轉化為正能量
馬天佑全民造星
馬天佑今日喺商台宣傳新歌《購物狂?》,佢坦言好多人覺得佢造音樂唔夠認真,因此新歌無論作曲、編曲同監製都有份參與:「派台碟都係我自己設計同包裝,我想畀人睇到我對音樂嘅熱誠。」佢仲話定咗個目標畀自己,希望1年內可以舉行個人音樂會:「3至500人嘅場地已經好滿足,busking我都有做過,不過係陪《全民造星》嘅學員去,自己就未試過。」
馬天佑話依家busking,啲大媽嘅工具已經好專業:「我哋都要準備個靚啲嘅喇叭。」佢仲話唔怕喺街唱,會畀人評頭品足,覺得可以將批評轉化為正能量。講到佢有份做導師嘅ViuTV真人騷《全民造星》,馬天佑話好多網友攻擊自己:「總之佢哋覺得邊個唔應該出局,就會去贏咗嘅人度批評,我都有安慰啲隊員,希望可以喺情緒上幫到佢地。」
精選娛聞,喺晒《娛果》
http://fb.com/appledailyent