賭王何鴻燊三房千金何超蓮、倪晨曦（Elva）、余香凝與陳柏宇一家三口，今天於西九文化區出席慈善跑活動，為保育海鮮生物籌款，超蓮一身運動裝參與慈善跑，她笑指有運動習慣，還指跑步之餘能夠同時做慈善，很有意義。問她有沒有跟男友竇驍一同拍拖做運動？超蓮甜笑說：「而家分隔異地，我嘅心機喺溫習，因為下星期五會考會計碩士。」她又指已一段時間沒有見男友，問她真的能夠忍到不見面嗎？超蓮說：「你又知？」問她如何解相思之苦？她說：「會講電話，而家每日會通一次電話，都會視像。」而考試後會計劃跟男友旅行嗎？超蓮說：「考完試係父親節，陪爹哋先，考完試就會諗買咩禮物，都會買啲實用啲嘅嘢。」

提到四房家姐超盈昨日超級豪華過大禮（新聞連結： https://bit.ly/2WuOnag ），超蓮說：「真係好恭喜佢，排場好犀利，好戥佢開心，我哋都有約之後食飯，因為噚日我唔得閒。」問到若她搞婚禮，會希望排場比她更厲害嗎？超蓮說：「我自己唔係好知道中式嘅嘢，媽咪都未必咁大陣仗，因為比較低調。」問她會否效法弟弟猷啟，結婚生B後也不公開？她說：「又唔會，都係結咗婚先，一步步嚟，而家啱啱先拍拖，仲好長遠，一步步計劃，我都唔急。」

超蓮直言每一次拍拖也很認真，更會以結婚為目標，問到竇驍是否他的結婚對象？她說：「而家拍緊拖，慢慢了解緊，佢好好人，係好好嘅男友，逐步嚟啦，媽咪都有讚佢好有禮貌同埋好有教養。」連三太也對超蓮新戀情開綠燈，近年喜事連連的賭王家族，未知超蓮會否是下一個報喜呢？

另外，Elva為推動環保，拉了未婚夫一同參加慈善跑，但她笑言未婚夫怕羞，未敢出鏡，提到籌備明年年頭婚禮，Elva說：「本身喺外地諗咗個地方，但係而家出現咗狀況，因為我哋婚禮嗰日係星期日，嗰度唔開，而家再問同對方傾緊，希望佢哋可以嗰日開，我純粹覺得嗰個地方靚，同埋搵人擇咗日，唔想改，同埋想尊重返雙方家長。」

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9