當年今日
關於我們

【心繫契媽嘉玲】藉詞赴泰慶48歲 郭秀雲爆嘉玲康復進度良好

蘋果日報 2017/12/29 17:17

姚武麟郭秀雲嘉玲龐景峰

郭秀雲噚日48歲生日,佢今年同老公龐傑飛過去泰國慶祝,原來此行赴泰,主要係郭秀雲想探契媽、息影粵語片紅星嘉玲,郭秀雲指嘉玲數星期前啱啱做完個盆骨手術,令佢非常掛心,所以就藉住慶祝生日,特登飛去泰國探吓老人家。
郭秀雲一行人噚晚去咗契哥開嘅法國餐廳食飯,佢話:「見到契媽就安心好多,佢雖然仍然喺康復階段,但已經可以撐住枴杖步行,進展好理想,亦都有好多家人親戚來探望,但都希望佢可以多點休息。」郭秀雲更開心與契媽及契爺姚武麟合照,但只係影得一張咁多,點解呢?郭秀雲話:「契媽『扭計』話影一張就夠,我當然唔敢逆佢意思啦!尤其見到佢同契爺都健康開心,我都安心好多,不過我同老公已打算春節再到泰國,希望多啲時間陪佢哋。」
咁郭秀雲個仔龐景峰又有咩表示呢?郭秀雲透露個仔已經提早幫佢慶祝,仲送咗隻市面上未公開發售嘅限量版潛水手錶做禮物,啱晒熱愛潛水嘅郭秀雲嘅心意。而郭秀雲最近又多咗隻新寵——巴西蜥蜴「豆腐」,搞到景峰笑媽咪戴住隻錶,再加埋「豆腐」就好似《數碼暴龍》咁。郭秀雲估唔到個仔眼中唔止女朋友,仲識o氹阿媽開心,郭秀雲話生日願望係想佢個環保教育機金發揚光大,教育下一代支持環保,至於新抱茶就未係時候,佢反而想個仔置業先。

【minigame】2017瘋暈人物 返工打機唔使擇日
http://bit.ly/2CeWQkP
更多娛聞,喺晒《娛果》
http://fb.com/appledailyent
empty
郭秀雲同契媽及契媽一家一齊食飯慶祝生日
empty
郭秀雲已打算遲啲再去泰國探契媽
empty
龐景峰已經提早同媽咪慶祝
empty
郭秀雲新寵蜥蜴「豆腐」及由兒子景峰所送嘅限量版潛水錶