陸詩韻同麥家瑜嚟緊就會第一次做舞台劇，今日喺新城接受訪問，陸詩韻就比喺劇中嘅林柏希爆佢最近甩拖，佢講笑話自己易比人呃。

問到陸詩韻喺感情上有冇遇過騙子，佢話：「感情冇話呃唔呃，係講緣份，只係緣份未到。」

而麥家瑜就畀導演讚演技好，但喺劇入面做屍體，麥家瑜話：「我係做隻女鬼，有對白講野。」但佢話因為係基督徒，考慮緊開騷之前唔拜神。