每次麥當勞推出期間限定包，個個都會爭住試。今個春天麥當勞將勁吹櫻花和風，推出三款「蝦堡」，除了人氣爆燈的「菠蘿蝦堡」及「滋味蝦堡」於3月5日回歸之外，仲有全新和風「漬物蝦堡」，酸甜的和風蘿蔔漬物感覺清新，配以鬆軟扭紋芝麻麵包夾着香脆炸蝦餅和嫩滑玉子，再伴以蛋黃醬和生菜，好有和風味，3月22日有得試！

去麥當勞點少得薯條，3月5日就可以買返包Shake Shake薯條，加入全新「櫻花蝦味調味粉」，鮮香惹味，仲有「芥末風味調味粉」、「和風紫菜調味粉」及「美式BBQ蜜糖調味粉」俾你揀，一於Shake返夠本。

此外，味道清新的「白桃特飲」將加入大大杯系列，買任何超值套餐加$7.5，即可享用加大的Shake Shake薯條及大大杯系列飲品。脆味分享盒亦有全新配搭，包括新口味的煙燻風味雞翼（兩隻）、脆香雞翼（兩隻）及麥樂雞（4件）。多款食品更以櫻花圖案包裝盛載，充滿櫻花季節感覺。