韓劇《OH！必勝奉順英》39歲女星秋瓷炫本月1號為大陸演員老公于曉光誕下囝囝，但日前爆出佢產後當晚出現癲癇症狀，被送到急症室救治，噚日更有報道指秋瓷炫昏迷近10日，仍然意識不明，秋瓷炫所屬事務所立即發聲明澄清係誤報，秋瓷炫目前喺普通房病休養緊。

而秋瓷炫方面今日再發聲明表示，秋瓷炫有老公、家人嘅看護，而佢本人亦有睇到噚日嘅報道，驚粉絲、朋友擔心，正打算親自喺社交網發文同大家打招呼，只不過目前身體仍未徹底恢復，而且有各種猜測性嘅報道，所以正考慮發文嘅時機。聲明中續指：「目前具體嘅病因仍檢查中，出院時間亦未確定。雖然現時情況有好轉，但短期內秋瓷炫仍會留院調理身體及休養。而BB已經送到其他地方，由于曉光或其家人照顧，BB非常健康。」

更多韓流，喺晒《娛果》
http://fb.com/appledailyent