艾美琦（Amy）透過傳媒發出尋人啟事，噚晚Amy喺尖沙咀出席娛樂公司開幕活動時，講到好友林雅詩喺馬來西亞造假單嘢，佢話：「都唔知邊個幫佢諗啲咁嘅嘢，我認識佢係一個好單純嘅人，不過，嗰次之後，我一直都搵唔到佢，打電話佢唔聽，massage佢又冇覆，其實都好擔心佢，早前有啲工作想搵埋佢，諗住工作嘅嘢佢會覆，但係都冇，希望佢快啲搵番我哋，出咗報導之後，快啲聯絡番我哋。」

另外，甄詠珊（Carisa）話今年會籌備出唱片，仲有首新歌講剩女，跟住佢話早排有人追，佢話：「之前我有個人追我，個男仔話佢係單身，手又冇戒指，但係有人話佢聽佢係結咗婚囉！踢爆佢之後，佢就有好多解釋，之後都冇聯絡！」