韓國「長腿Oppa」李敏鎬去年5月入伍，以社會服務要員（即公益兵）身份當兵，不過當時oppa係先履行公益兵任務，再等兵務廳安排訓練日期，而oppa將於聽日到忠清南道論山陸軍訓練所報到，接受基礎軍事訓練後再回歸原先嘅工作崗位。

雖然李敏鎬所屬事務所已事先表示oppa聽日會低調現身，唔會舉行任何儀式見粉絲，不過有傳有中介公司表示粉絲畀50萬韓圜（約3,700港元），就可以安排佢哋聽日到訓練所內近距離見oppa。李敏鎬所屬事務所噚日立即發聲明，表示已了解相關情況，又呼籲粉絲慎防受騙。

另外，今日係白色情人節，雖然李敏鎬早前宣佈甩拖，不過佢仍有大批粉絲陪佢，今早現身首爾江南區廳時，亦有收下粉絲送嘅禮物。

更多韓流，喺晒《娛果》
http://fb.com/appledailyent