【上台送驚喜】李榮浩台北開騷 楊丞琳俾男友咀到變形

蘋果日報 2017/09/17 10:20

楊丞琳李榮浩台北小巨蛋
    32歲大陸歌手李榮浩，出道4年，噚晚首次喺台北小巨蛋開個唱，佢個拍拖兩年女友楊丞琳，原本就話，得閒都未必會去睇，不過，驚喜嘅嘢，就梗係好戲在後頭。
    演唱會去到尾聲，原本一直將戀情低調處理嘅楊丞琳，忽然上台同男友合唱送驚喜，李榮浩即肉緊錫女友面頰，由於過度用力，搞到「可愛教主」塊面都變晒形，錫完仲話「謝謝我的女朋友」、「我喜歡她」。事後，楊承琳呢張有少少「哈囉喂」feel嘅相，就當然喺網上瘋狂洗版啦。
    演唱會完咗之後，李榮浩喺微博留言：「剛剛我在一萬一千人面前奔跑流汗到快虛脫，這讓我很踏實、很安心，最後謝謝我的女朋友楊丞琳」。
    至於女友楊丞琳，亦大方喺下面留言回應男友：「雖然演唱途中，突如其來的舉動讓我的臉變形了！但我很開心！能夠擔任神秘嘉賓是我的榮幸，不謝。」文末仲附上愛心，閃到眼盲。
    empty
    empty
    楊丞琳喺演唱會尾段上台打算送驚喜，不過男友李榮浩呢吓突如其來嘅錫錫舉動，唔知楊丞琳會唔會仲驚！(台灣《蘋果日報》圖片)
    empty
    真係好鬼肉緊。(台灣《蘋果日報》圖片)
    empty
    女友尷尬到掩面。(台灣《蘋果日報》圖片)
    empty
    跟住一齊合唱，閃爆全場。(台灣《蘋果日報》圖片)
    empty
    (台灣《蘋果日報》圖片)
    empty
    原本話唔到嘅楊丞琳，事先都送咗紮鮮花俾男友。(台灣《蘋果日報》圖片)
    empty
    同男友越嚟越高調。(資料圖片)
    empty
    雖然自己張變形相喺網上瘋傳，但楊丞琳亦不忘喺微博同男友隔空傳情。(網上圖片)
    empty
    經過一夜沉澱，楊丞琳出po了。