當年今日
關於我們

隔牆有耳:福建幫洩露選民電郵 - 李八方

蘋果日報 2012/08/18 00:00


參加立法會港島區嘅福建幫許清安,選情認真麻麻,唔少選民對佢可謂零認知。為咗催谷民望,最直接方法梗係廣發單張,自我宣傳一番,不過有港島選民向八方投訴,話近日收到許清安電郵,內附佢嘅宣傳單張;打開一睇,竟然發現單張上有數百個選民電郵地址冇隱藏起嚟,覺得私隱完全得唔到保障。
許清安同八方解釋,話電郵唔係由佢經手處理,但強調事前已經多次提醒助理,記得隱藏選民電郵;可能係職員忙中有錯,會再了解吓,向受影響嘅選民致歉。