當年今日
關於我們

【防疫意識低】ViuTV藝人阿妹尼泊爾逃亡返港 自我隔離避免影響家人

蘋果日報 2020/03/19 20:14

岑樂怡防疫意識低尼泊爾拍

ViuTV藝人岑樂怡(阿妹)日前與旅遊達人吳蚊蚊去了尼泊爾拍旅遊節目,不過昨日她在IG貼了與蚊蚊的合照並說:「同呢隻蚊合作總係多事發生,第一次喺索馬里蘭差啲返唔到嚟,第二次出唔到發,今次,咪又係個疫情囉衰鬼!但我依然認為我倆是最好看的#宿命就是要被打破#自我隔離14天正式開始」
接着她在IG限時動態上,貼了不少自我隔離中的短片,阿妹坦言送物資送得多,收真心第一次,同時表示:「呢14日之後,環保呢一環會更瘋狂!」今日阿妹接受《蘋果》訪問,她說:「我哋之前去拍《尼泊爾山步行》,不過喺成個行程都預到好多問題,最大嘅問題係當地防疫意識低,雖然佢哋有戴布口罩,不過只係防塵,而且佢哋又會隨地吐痰,咳又唔掩住個嘴,我哋拍嘢嗰陣又冇口罩,係避無可避!」
她續說:「我哋中間會拍好多item,其中有一個遊戲係互相潑一啲顏料喺對方塊面,當時有好多陌生人摸過我哋塊面,喺呢個狀態底下,我哋覺得之前一直做嘅防疫措拖,好似已經徒勞無功,再加上香港政府話19號凌晨實施強制隔離,監製都擔心我哋之後嘅工作會受到影響,亦擔心機票嘅問題,因為我哋原先買咗回程嘅機票已經取消咗,好彩有朋友幫手,搵到機票可以直航返香港,所以咪決定提早返嚟。」
不過去機場的過程,阿妹都表示很驚險:「我哋收到有機票嘅消息,係下晝嘅事,嗰陣我哋喺郊區,要先坐5個鐘去加得滿都再去機場,而好彩最後都趕得切。」至於自我隔離,阿妹說:「其實我哋唔係強制隔離,返到香港我哋有申報狀況,可以周圍去,不過因為我同屋企人住,都擔心會有影響,所以搵咗個地方自己住,夠14日先再返去。」阿妹亦表示專登找一間類以apartment的地方,避免有中央冷氣:「雖然只係啱啱開始,不過都有少少難捱,想出街、做運動,好彩同蚊蚊一齊隔離,大家互相照顧,而且公司同事都好好,好似Hailey(陳俞希)煮飯畀我哋食,JJ(詹朗林)又煲羅漢果水畀我哋,黃奕晨又買定啲雪藏餃子畀我哋。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
阿妹在尼泊爾拍完節目返港,決定要自我隔離。(IG截圖)
empty
阿妹表示自我隔離的生活難捱。(IG截圖)
empty
幸好有朋友送物資。(IG截圖)
empty
(IG截圖)