當年今日
關於我們

【香港悲歌】郭政鴻睇住自己無奈變怪獸家長:發現個現實就係咁

蘋果日報 2017/06/15 07:03

郭政鴻怪獸家長父親節郭倩欣郭詠之

早排津校小一派位,派到心水學校嘅,父母固之然開心過中六合彩,但派位唔合心意,家長就要四出叩門。有報直資、私校嘅家長,亦要忙於帶仔女到學校面試,少則三數間,多則閒閒哋十幾間。
大人、小朋友,都要為香港呢個獨有嘅教育制度,勞心勞力疲於奔命。
郭政鴻細女詠之(Ashley),今年正正要上小學,郭政鴻同老婆為備戰囡囡考小一,早早已經俾囡囡學興趣班同上補習班。
問大女倩欣(Kaley)有咩學緊,今年8歲嘅Kaley如數家珍話:「網球、游水、畫畫、跳舞、低音大提琴、樂理同鋼琴…然後仲有…仲有咩呀?諗唔到喇。」而細女詠之(Ashley)亦不遑多讓。
學咁多?難怪郭政鴻要搏命搵錢啦!
郭政鴻就話:「一個就OK,兩個就唔得喇。」係咪小朋友自己鍾意學咁多0架?「其實想俾佢多方面試,睇吓佢哋對邊樣有興趣,發掘佢有天份。如果佢真係冇咁嘅興趣,咁咪唔好學囉!譬如佢對跳舞、畫畫有興趣,咁咪俾佢多啲時間,去栽培下,搵興趣班,做自己鍾意做嘅嘢。」咁兩姊妹鍾意乜嘢?兩個異口同聲話:「游水!」比較好動?家姐補充:「彈琴都鍾意嘅。」
【父親心聲:o依家香港就係咁】
依家香港教育制度就係咁。
做爸爸嘅郭政鴻亦有很深感受。
他面有難色地謂:「其實之前都有講過㗎喇……本身……因為全世界都係咁,個模式根本係咁。如果你有嘢學住、有嘢喺身,咁就……點樣講呢……」垂首苦思。
然後他續說:「……就會好啲囉。因為全世界都係咁樣。」會唔會只係香港先係咁?郭政鴻連聲說:「係,係。」
「本來呢,我就唔係怪獸家長嚟嘅,不過呢……就唔覺唔覺呢,就…盡量唔想去做怪獸家長。」說時輕搖大女Kaley肩膊:「最緊要佢哋鍾意。」Kaley苦笑。
「亦試過為咗呢樣嘢,同佢哋媽咪有拗撬,但發現個現實就係咁,咁其實小朋友都真係要讀書時讀書,遊戲時遊戲,如果家長太過寬鬆,去到某個年級佢哋追唔上,成績唔好,都會影響佢哋嘅自信,唔夠信心成長。」
問郭政鴻同太太點分工?邊個黑面邊個白面?他想也不想就笑:「梗係做好人啦,哈哈哈哈!唔係,講笑。我當然會提出意見,話呢度鬆吓,但媽咪就會覺得,可能聽日考試,佢唔可以玩,但呢一刻佢係扭緊玩,咁就睇吓點樣喺適當時候俾佢鬆一鬆,玩一陣,但要俾佢專注番,因為小朋友好得意㗎,一玩鬆咗呢,專注力就散咗,再要佢讀書已經讀唔入腦。」
【父親心聲:想兩個女一齊讀私校】
現時郭政鴻細女有一間津校同一間直資收咗,但其實郭政鴻最想細女可以同家姐讀同一小學,不過細女暫時係撥入waiting list。「家姐讀緊私校,咁都想細女讀同一間學校,因為每間學校都有自己教育模式,如果兩姊妹讀同一間,一嚟方便照顧,二嚟佢哋又可以互相照應。」
要求女兒考高分?「盡咗力就得,唔好真係考試你就走咗去玩,唔夠專注。因為有時你就係唔夠集中,明明個題目你係識嘅,但睇錯題目,你就錯咗喇,係咪呀?」問Kaley:「你成日都係咁㗎喎!明明你係得㗎嘛!所以我成日同你哋講,要專注啲。你明唔明呀?」Kaley:「唔!」長氣爸爸繼續講:「一錯咗,就錯咗㗎喇!」
會否安排兩個女赴外國升學?郭政鴻說:「唔會啦,因為唔捨得佢哋吖嘛。再大啲就睇佢哋意向決定啦。」
場地:BALL ROOM
想隨時獲得更多親子資訊,快啲like Easy PaMa Facebook啦!
https://goo.gl/1qWM8g
empty
攝影:陳慧安
empty
童年郭政鴻
empty
係咪餅印一樣?
empty
又睇下呢個Look
empty
都係餅印咁樣
empty
兩個女最鍾意去嘉年華,郭政鴻笑佢哋:「鍾意玩機動遊戲吖嘛!」
empty
empty
好肉緊
empty
真係攬實
empty
呢啲嘢,郭太真係羨慕唔嚟。
empty
隻手瓜仔真係…好想咬落去!
empty
empty
empty
empty
問兩姊妹要上咩興趣班?家姐話: 「網球、游水、畫畫、跳舞、低音大提琴、樂理同鋼琴…然後仲有…仲有咩呀?諗唔到喇。」
empty
empty
爸爸已被玩謝
empty
empty
呢張圖叫做「男人心一字馬」