大新聞大新聞，Edison失電腦洩密照事件可能重演。

不過今次主角唔係本地藝人，而係加拿大小天王JustinBieber，佢o尋日o係twitter度話好唔開心，因為o係華盛頓州開騷期間，佢唔見o左部手提電腦同手機，仲話明入面有好多私照同video，希望偷電腦手機o既人能尊重私癮，你講到咁，更挑起人o既原始慾念‥‥好奇心啦。

結果，失電腦o既消息甫o左冇耐，網上即有話係小Justino既裸照傳出，張相露0左好雄偉「小小Justin」就梗啦，最搞鬼係左腰都有同小Justin一樣o既雀仔紋身，不過佢o既粉絲即刻護航，猛話張相唔係偶像本人，紋身都係移花接木，粉絲o既解釋話佢o地認到偶像o既乳頭同肚臍，與裸照中人唔脗合喎！

咁都認得，果然犀飛利。