一向錫爆粉絲嘅丁太楊千嬅原本每年都會搞聚會，但係佢舊年因為生B停工，聚會被逼停辦一年，不過今年就有「千嬅群英賀添丁」派對迎接佢回歸，粉絲好細心揀咗千嬅同丁子高舉行結婚派對嘅南灣海景酒店舉行聚會，同時亦賀埋千嬅添丁，令到千嬅好鬼感動。

千嬅同成班粉絲打成一片，仲好感激佢哋一直對自己嘅支持同關心，唔少粉絲起哄叫佢追蛇B陪乖仔Torres，佢話：「你哋叫我生B又叫我開演唱會，點可以又生B又開騷呢？好搞笑！」