狄以達在將軍澳開設的音樂藝術學院今日開幕，他透露與朋友合資：「我有成千個學生，九龍灣嘅校舍都消化唔晒，同埋我有個分享概念，同多啲人合作，喺唔同區搞跳舞班，我喺屯門區長大，好多哥哥姐姐喺街教我跳舞，係唔使錢，如果出嚟學，對於低收入家庭會係一個負擔，所以今年內，我喺屯門區會開多一間，其實我想同中學合作，喺空置咗嘅時間借畀我哋用，咁我哋嘅學費又唔使咁貴。」

狄以達表示今次投資了6位數字：「算好低，因為我用咗分享資源概念，所以我哋學院有音樂、藝術、跳舞、彈琴、彈結他、打鼓、畫畫；其實都好，自己做騷，可以搵學生做dancer，又慳錢又慳時間。」達仔坦言小朋友是值得栽培，他指街舞將有可能成為奧運比賽項目，他笑說：「將來靠小朋友喇，我都希望自己能夠做到港區總教練。」

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX