韓劇《鬼怪》女主角金高恩早前於Instagram公開旅行時嘅素顏自拍，不過因惹來部份網民惡意批評佢唔夠靚，又指佢跟韓劇《回答吧！1988》「醜帥」柳俊烈撞樣，令金高恩急急刪相，而且暫停唔玩Ig，事隔個半月，金高恩今日凌晨就於Ig公開新廣告相，大晒靚樣。照片中金高恩穿上白色露膊衫，邊望向上方邊露出燦爛笑容，充滿活力。粉絲都留言「好可愛」、「太好了，終於回來」、「想你」等。

另外，《鬼怪》男主角孔劉今日都有新相公開。早前佢為韓國雜誌於濟州島拍攝新相，於陽光下以一身休閒打扮現身，又於屋內煲水沖咖啡，果然係「咖啡王子」！而孔劉將於5月6日喺亞博舉行首個香港粉絲見面會，唔知oppa屆時會唔會即場沖咖啡呢？

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。