出道多年嘅徐若瑄(Vivian)，多年來都有代表作，今年5月就傳出佢為咗喺事業上突破，就自降身價以20萬新台幣，即約5萬蚊港元接拍電影《人面魚 紅衣小女孩外傳》，當時徐若瑄嘅經理人公司就話會保留法律追究嘅權利，而電影發行威視電影就話演員嘅片酬不便透露。(新聞連結： https://bit.ly/2Cujd9x )

Vivian嘅片酬就告一段落，而《人面魚》亦已經完成拍攝，該片亦會係今年11月23日喺台灣上映，今日電影公司就率先發放電影嘅1分鐘預告片，Vivian戲中嘅鋼琴家「雅惠」扮相首度曝光，見到佢一臉憔悴，片中見到佢好似着咗魔咁敲打琴鍵，蓬頭垢面兼素顏扮相，只係為咗演繹呢個瀕臨崩潰嘅角色，Vivian接演《人面魚》前，就已經知道自己要全程素顏演出，佢亦完全唔介意咁一口答應，為求逼真，佢仲下了不少苦功加深自己嘅黑眼圈同法令紋，佢話：「我覺得素顏上戲太棒了！希望以後有多一點這種角色來找我！」

精選娛聞，喺晒《娛果》
http://fb.com/appledailyent