【本報訊】一名患有肺癌須長期留院男子，疑因病厭世加上與鄰舍關係欠佳，抱着「唔益人」心態，三日前強行離院返回荃灣村屋，放走飼養貓狗免禍及無辜，昨晨在屋內燒報紙引爆手提石油氣罐燒屋自焚，但他僅受輕傷送院，事後涉嫌縱火被警方拘捕。
縱火燒屋自焚男子61歲姓張，靠領取綜援金過活，多年前曾租住現已清拆鑽石山大磡村木屋，其後疑因與屋主關係轉差遭趕走，被迫入住「露宿者之家」。至四年多前，他在荃灣酒樓工作胞妹介紹下，向住大帽山荃錦公路光板田上村二段一名72歲姓盧茶客，以3.9萬購下盧住所相距半米、用作廚房的3米乘3米石屋作居所。

縱火前放走貓狗

「佢開頭搬入嚟住同佢關係都OK，我又幫佢修理電視天線，同借錢畀佢阿媽醫病。但當佢分期畀咗兩萬蚊買屋錢之後，就話間屋貴又話冇錢再畀，拖住我近兩萬蚊仲未畀，我都冇再追佢呀！」住所險被火警波及的盧先生一臉無奈表示，自此張經常為小事大發雷霆，雙方關係轉差。據悉年多前張證實患上肺癌須經常入院，其後向社署申請入住護老院，至月前病情惡化須長期留院。「三日前佢突然從醫院偷走返嚟，放走所養嘅兩隻狗一隻貓，又向街坊講會放火燒屋唔想益人，噚日（前日）有醫院社工嚟勸佢返醫院留醫但佢唔肯，睇嚟佢放火係早有預謀！」盧稱獲知張可能會放火燒屋後，免被波及已在屋前擺放水喉以防萬一。
昨早上10時許，張疑在屋內以報紙燃點手提石油爐罐，引起輕微爆炸頭部受輕傷，爆炸聲驚動隔鄰剛返回住所的盧先生，發現張石屋起火，張負傷衝出屋外空地。盧即時用早擺放屋前水喉救火，惟因水喉損毀救火無效，幸消防接附近村民報警趕至將石屋火勢撲熄，肇事石屋嚴重損毀屋頂塌下。