深水埗百年古羅馬式配水庫似《魔戒》Moria 歐錦棠：香港竟有土耳其地下水宮殿
蘋果日報 2020/12/29 22:42
深水埗古羅馬式配水庫魔戒Moria歐錦棠土耳其地下水宮殿
深水埗主教山發現百年的巨型羅馬式配水庫，挖開才知別有洞天，這個地下世界埋藏百年，屬戰前建築，早前卻遭水務署亂拆。不少港人狠批政府施工前沒認真考察、勘探及翻查舊資料，更質疑水務署應該一早就知，更從未找古蹟辦評級！？
近日網民到這個配水庫百年英殖蓄水池「打卡」放上網，照片清晰可見麻石支柱及紅磚拱門完好無缺，配水庫在1904年8月落成，至今已有116年歷史。事件引起全城關注，港人大讚該建築物很美，有感政府直至網民揭發，水務署才「如夢初醒」暫停該工程。
歐錦棠：唔拆就一世都唔知
歐錦棠今早在FB留言稱這是驚為天人的景點，不拆大家也不知道深水埗有座主教山，香港竟然有土耳其地下水宮殿一樣的古蹟，他更指該建築物簡直是企在Star Wars裏面的Jedi Temple一樣咁感動。他指若這個古蹟在幾十年前發現，「李小龍使鬼喺片場搭景同羅禮士打咩？喺呢度拍，同羅馬鬥獸場外景對剪，假可以亂真。世事哪有如果。唔拆開個頂，大家唔知內涵如此瑰麗豐盛，就如隱藏貝殼內光彩奪目的明珠。唔拆就一世都唔知；拆就等於送佢上路。所以明白《鐵達尼》最後一幕露絲要將「海洋之心」扔落海嗎？其實，香港島半山以前的聖若瑟臺就猶如歐洲小鎮，置身其中，恍如時光倒流百載，該處亦係我放學流連之地。俱往矣。」歐錦棠慨嘆香港的古蹟不夠沙中綫「嗰個」這麼好命水。歐錦棠接受《蘋果》訪問時，他建議原址保留後，政府最好處理方法就是「乜都唔好搞，純粹保留就已經好好，千祈唔好搞到尖沙咀1881咁。」1881 heritage前身是水警總區總部，之後「保育」成商場及酒店。
香港殖民初期工程
今早陳志雲、楊樂笙及張子君在電台節目《在晴朗的一天出發》開咪，提起羅馬式蓄水庫內有水管寫上1909年製造，根據1910年工務司署文件指，這個配水庫為1902年啟動九龍水務工程的一部份，連接至九龍水塘。香港殖民初期，當時中國仍是清朝。市區重建局非執行董事李浩然博士受訪時，指當年這個計劃共有10個項目，整個供水計劃的儲水庫工程，其中第8個項目就是主教山配水庫，要確認是否水務文物古蹟。
他提到水務工程對香港發展非常重要，皆因香港長期存在缺水危機，他續道：「呢啲危機經歷過好多次，香港如果水務搞得不好，根本香港唔能夠發展。而呢個配水庫由九龍水塘源頭去到地下輸水隧道，流進荔枝角濾水池，再經過大埔道輸水管道，再到主教山配水庫，流至紅磚屋油麻地抽水站才由供水管道，供應食水畀整個九龍區。」
李浩然提議建儲水庫公園
李浩然博士解釋古羅馬最出名是拱門式設計，而土耳其伊斯坦堡地下水宮殿是世界文化遺產，1963年電影《鐵金剛勇破間諜網》曾到地下水宮殿取景，當時英國及歐洲都有這種古羅馬建築科技，直至19世紀末，20世紀初。李浩然建議原址保育：「差唔多係千六年嘅一個儲水庫科技，當年傳到嚟香港，以前嚟講就唔算罕有，因為呢啲係土木工程結構，而家拆剩，據我所知呢個係最後一個，或者有啲未發現，不過已發現嘅呢個係唯一一個。以前通街有，就係『坑渠貓』，剩一個就係『熊貓』。希望可以一連串保留，同紅磚屋串連到，加上這塊係政府用地比較易做，可以重新設計休憩場所，讓香港有一個亞洲獨一無二嘅儲水庫公園。」
何啟明：似足《魔戒》嗰個Moria
講起2018年區議會強烈要求改為休憩場所，深水埗區議員何啟明坦言水務署稱有安全問題要處理及維修：「佢（水務署）話個處理好簡單，因為係空心，用啲水泥填咗就完成，假期前話完成勘探，水務署就話開始做，一挖開就發現原來係咁有歷史價值嘅建築先揭發咗呢件事。事實上應該有晒資料，係班公務員了結件事就出個方案要埋咗佢，如果佢肯搵資料一定會搵到，上嚟佢都畀過幾張相我哋，當時未挖開，只係爬落去影，照片好黑，話有結構問題就去做囉！」
後來挖開後，街坊見到原來下面這麼美，就希望政府煞停工程，指這些是古蹟，何啟明認為政府有能力平衡保育及結構安全問題：「好多人同土耳其比較，其實設計真係好一模一樣，你唔使坐飛機去土耳其都可以見到，同電影《魔戒》咕嚕同主角去嗰個Moria好似。」本來配水庫閒置4、50年，街坊又自發整了一些晨運健身設施，水務署擔心安全問題才想填平，目前已聯絡古蹟辦，幸好挖開的地方僅損毀少於10%，希望列為暫定古蹟再好好處理。
深水埗區議員何啟明昨日到深水埗百年古羅馬式配水庫拍照，他稱現場跟電影《魔戒》的Moria很像。（facebook圖片）
土耳其伊斯坦堡的地下水宮殿。（資料圖片）
歐錦棠稱以前香港島半山的聖若瑟臺就猶如歐洲小鎮。（facebook截圖）
網民又指以前中環郵政總局是英式維多利亞建築，可惜無緣見到。（facebook截圖）
1881 Heritage前身是水警總區總部，1994年被訂為法定古蹟，2000年代仍被改建成酒店及設有小型商場。（資料圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！