Shine嘅徐天佑同黃又南今日去青衣為有份配音嘅卡通電影做宣傳，又學扭主角造型氣球，兩個大男人都扭得唔錯!

徐天佑指今次配音有別於以往角色，今次需要不停喪嗌，佢話：「頭一日配咗幾個鐘已經聲沙同感覺到喉嚨有血味，跟住導演叫我哋提早收工，第二日再配過。」黄又南就話本身唔係專業配音員，所以只係識係咁嗌，不過導演第二日準備咗潤喉飲品畀佢哋護聲。

配音配到出血，豈不是收到可觀「血汗錢」？天佑話：「唔講呢啲，係咪都要落力。」經過今次佢哋發掘到自己跳脱一面，天佑笑指可以練定將來用呢種聲線講故事畀小朋友聽，問到幾時生？佢話：「計劃緊，未咁快，仲有少少時間。」