【新增動新聞】

上星期曼聯官方Facebook嘅封面相忽然冇咗朗尼，唔少人都認為係佢脫「魔」嘅先兆，不過喺星期一，紅魔呢張著下季作客波衫嘅FB封面相又變番同5月嗰張一樣，都係有朗尼，似乎暗示「月巴」嚟緊呢季都唔會離開奧脫福球場。

31歲嘅朗尼總共為曼聯射入過253球，但佢過去一個球季喺領隊摩連奴麾下上陣時間就大不如前，喺英超聯賽只係出賽過25場，難怪之前FB封面相唔見咗「月巴」之後會令人聯想到佢會走人。之不過，宜家朗尼又同連格、保羅普巴同埋安達靴里拉一齊出現番喺曼聯嘅FB封面相，睇嚟大家暫時唔使擔心「月巴去哪兒」喇！