衛詩雅今日喺旺角catalog出席活動，佢話籌備緊今年書展出一本教人點揀珠寶嘅書：「前日細佬同女朋友求婚成功，佢即刻叫我幫手搵粒靚鑽石，我未入行前做過珠寶批發，亦有珠寶鑑證師牌。」

衛詩雅仲話呢排已經開始碌人情卡，問人借衫、珠寶影相，老闆借咗粒過百萬鑽石戒指影相，當時係用口咬住粒鑽石好驚會唔小心吞咗。書展好多0靚模出寫真，呢本書會唔會唔夠撼呢？詩雅笑言：「大家事業線唔同，我騒入面，到時揭開內頁至知，我亦有影好多相，唔係純文字，遲啲仲會去日本影相。」