【壹界草文】兄弟仨：記者、克警、暴大生（林雨菲）
蘋果日報 2019/12/19 14:18
林雨菲壹界草文
A生做了記者10多年，有個比自己細4年的細佬B是克警，還有個比自己細10年的細佬C剛從暴大畢業。記者、克警、暴大生，逆權運動的核心角色，這不就是香港人口中最容易撕裂的家庭嗎？
由細到大，父母採取積極放任政策，大哥帶着兩個細佬在屋邨過着童年生活。大哥10歲時帶住6歲的細佬落球場踢波踢斷腳，10歲小孩不知何來體力，揹起細佬由屋邨球場走15分鐘路到墟市那間跌打醫館。
逢周末兩兄弟最愛客廳棉胎打地鋪，等待凌晨時份的《龍珠》。細佬B斷腳難動，兩個小朋友躲於被窩內訴說如果有多個細佬就好了，可以夾在中間。沒料到，細佬C兩年後呱呱落地。
有次跟老豆飲完茶，他埋單時着令大哥推住載住細佬C的BB車，卻沒有好好看住細佬B。細路B不見了，翻轉整個屋邨商場，花了1個多小時，四圍問街坊都不知其所縱，大哥嚎哭：「我細佬唔見咗！」不知是何常識，未夠48小時唔算失蹤，無奈回家，卻開門看見細佬B在打任天堂並謂：「你地去咗邊。」
老豆早死，長兄為父，細佬C小學默書0分，大哥對他咆哮，從此細佬C默書考試從未不及格。升中被欺凌，兩個哥哥帶同各自帶一班朋友到細佬C中學門口接放學，以向欺凌者作出警示，從此他在學校專心讀書，及後考入暴大。
轉眼各自已成人，克警打人，暴大抗衡，記者兩面不是人。從來細佬有難，大佬出手，細佬B沒有忘記當年誰揹他睇跌打，細佬C沒有忘記當年誰替他出頭，近月來家常便飯，心照不談黃與藍，今世兄弟豈等閒，周末準時冬至飯。
林雨菲