謝霆鋒老闆楊受成一樣鍾意投資商舖,謝霆鋒唔知係咪受佢影響,舊年中先後買入擺花街26同28號地舖,成交價分別1.17億同9,120萬元,孖屐當時聽到哇哇聲。兩個舖面積都係1,100呎左右,前者買入時有間時裝店租緊,後者交吉。
謝霆鋒原本打算將兩個舖合併一齊租,可惜兩個舖中間隔住一條大廈樓梯,冇咁實用,最終惟有分開租。新近租出嘅26號舖,之前月租7.5萬,今年約滿,租客已經搬走咗,𠵱家轉租畀另一間時裝店,月租加到20萬。即係話,呢個舖每年為謝霆鋒帶來240萬元租金收入。隔籬仲係吉嘅28號地舖,聽聞都係以20萬放緊租。
歌手古巨基舊年都喺擺花街以5,400萬元買入一個面積約500呎嘅22號地舖,原本放租12萬,幾經考慮最終留為自用。呢個地舖投資熱潮究竟熱完未呢?
李華華
mailto:
[email protected]