經常要去米蘭買新衫，又要到東京睇時裝，如果本護照過期就好麻煩，上禮拜睇一睇本特區護照，原來有效期剩番唔夠六個月，即刻去入境處申請一本有先進防偽特徵嘅電子特區護照。
去到入境處人山人海，見大堂有部小食售賣機物體，諗住填完表買啲嘢食吓。點知埋到去至發現唔係賣小食，係一部「香港特別行政區旅行證件本地派遞地址封」售賣機。個名咁長，唔知係乜冬冬，即刻打電話問我老友曾瑞英，佢係郵政署嘅服務拓展高級經理。
佢話呢個係香港郵政嘅大膽嘗試，巿民只要喺售賣機用八達通買一份護照郵遞服務專用嘅地址封，連埋申請表交畀入境處職員，咁就可以等郵差將個護照送到屋企門口，唔使再去多次入境處。咁方便嘅服務，當然啱我！但每個封賣30蚊，買唔買得過就要諗吓嘞！
逢周一至周四刊出