繼阿梅之後，趙薇再試老土短髮村姑LOOK，噚日有網友發現趙薇喺係羅湖口岸以一個村姑LOOK出現，引來大批人圍觀，格仔恤衫，牛仔褲，涼鞋，並不是重點，最勁係趙薇埋位時村姑上身，土味十足，拖著喼，揸住個袋，神色慌亂，如果唔係現場咁多攝影機，無人會認得佢係趙薇喇！擺明就係一個阿嬸。

咁呢個村姑LOOK又係拜陳可辛所錫，因為趙薇依家開緊佢套《親愛的小孩》，早前出席記者會，都已經講過話要犧牲色相，無咗招牌長髮，不過相信演技派嘅趙薇係唔怕打爛花瓶，因為佢都做過導演嘛！