今日係大陸高考嘅大日子，唔少明星都為大陸考生打氣，當中今年出道第13年嘅韓國男團Super Junior(SJ)嘅成員崔始源、金希澈、神童及銀赫都透過微博及Instagram上載為考生打氣嘅相，等佢哋今日順利完成考試。

不過SJ幾位成員就認真同人唔同命，當中34歲嘅希澈喺微博上載打氣照，網民都留言讚佢好貼心，點知到32歲嘅始源上載打氣相時，竟然有網民嫌佢老，仲留話：「哥哥，你沒有要高考的粉絲！你清醒一點」、「哥你的粉絲沒有小朋友了」、「高考的是00後啊，你清醒一點」，似乎被網民嫌佢老，指佢嘅粉絲群冇00後，粉絲嘅年齡都應該同佢哋一樣已經年過30歲，不過都有網民指自己係00後，亦都好支持SJ咁話。

另外，始源今日孖住韓劇《Return》男星李鎮旭出席韓國釜山舉行嘅汽車活動。

更多韓流，喺晒《娛果》
http://fb.com/appledailyent