由宋承憲同嚴正花主演嘅新片《MissWife》，今早喺首爾舉行製作發佈會，兩位主角都有現身造勢。

《MissWife》係一部充滿愉快感嘅人生反轉喜劇片，講述非常搶手嘅單身女律師嚴正花遭遇咗一場意外後，一夜之間變咗有老公同兩名小孩嘅家庭主婦，從而展開全新嘅人生。

嚴正花大讚宋承憲話：「佢真係100分滿分，100分當丈夫嘅材料，佢好會照顧人，好凍嘅時候拍攝拖手場面時，佢會先用暖貼貼熱自己隻手，呢世人第一次有咁樣嘅待遇。」對於演繹成功律師一角，佢就話：「比起做成功律師，如果有生得咁靚仔嘅老公，我更願意做一名平凡嘅主婦。好耐都冇見宋承憲，有種眼球都得到淨化嘅感覺。」