當年今日

CY•Time Lies:
689越早埋單越好 - 李八方

蘋果日報 2016/10/12 00:00


大家仲記唔記得,梁振英上任前煲呔嘅施政報告係喺10月發表㗎?5年前嘅今日,當時特首煲呔發表佢最後一份施政報告,宣佈復建居屋。當時梁振英即刻飛撲出嚟領功,三度強調自己幾年前已經提出呢個訴求,仲話呢次政府肯做,「功勞係大家嘅」;就算被問到自己做到特首嘅話,可能要幫手「埋單」,佢都話:「如果要埋單,呢張單係十分好嘅單,越早埋越好。」
等八方講句公道話。呢幾年梁振英喺房屋上的確唔係冇做嘢,只係做咗一半囉,佢誇下海口嘅建屋量,最後只係埋到半張單,而近日嘅橫洲事件亦反映,房屋問題同市民利益佢似乎唔係放喺首位。套用梁振英嘅說話,如果有日梁振英冇得選、選唔到要埋單嘅話,好多人都會想講:「呢張單係十分好嘅單,越早埋越好。」