當年今日
關於我們

【韓流】40歲金鐘國Ig晒麒麟臂目測粗過女仔大髀

蘋果日報 2016/06/12 06:00

蘋果香港RunningMan即時金鐘國娛樂大隻

現年40歲嘅人氣綜藝節目《RunningMan》嘅成員金鐘國一向都好鬼大隻,成日被指寧願做運動都唔去識女仔,金鐘國噚日就喺Instagram上載佢嘅大隻相,相中金鐘國着住灰色背心,展示佢對麒麟臂,唔少網民見到金鐘國嘅手臂都驚為天人,事關佢手臂真係粗到好似女仔大腿一樣,可以估計金鐘國嘅臂力認真唔少嘢。

而喺噚日播出嘅KBS《歡迎Show》節目中,金鐘國就成為被取笑對象,當金鐘國問到車太鉉佢太太講嘢係唔係好直時,會唔會令到朋友唔滿意時?車太鉉即抵死話:「對你好似就唔係好滿意。」另一主持洪京民亦都插口話:「如果出現咗你心儀嘅女仔嘅話,佢又想同佢一齊一星期,你會點做?但係呢一星期你唔可以做運動喎。」搞到金鐘國一臉為難都唔知應該點答好。