出道七年，王灝兒（Joey Wong）這個名字，這兩年才被真正認識，皆因2010年推出首張專輯的她，一直只用JW這個名。至前年，JW帶同未曝光的名字，離開黎明掌舵的A Music轉投新公司，一切重新開始！

現年27歲的JW，擺脫了少女味，半邊身踏入中女界別，前年轉會後遇上《矛盾一生》這首歌，天時、地理、人和配對成功，人和歌齊齊熱爆。有人認為唱功不俗的她，出道首五年是浪費光陰，比其他人走慢了一大截。但JW卻不認同：「冇，幾開心係咁行，比我再行一次都係咁，遇第一間公司好好彩，學咗好多，遇第二間又好多機會係一個機遇，一啲都冇嘥過，而且覺自己已經好好彩，好多人可能未有機會喺眼前，自己好幸運。」

學懂感恩，是成功第一步，JW轉投新公司，曝光率激增，新歌一首接一首，唱片公司不計成本谷到盡，去年更替她在九展舉行兩場演唱會。JW坦言：「新老闆比好多信心我，嗰時啱啱諗仲做唔做歌手，就俾我遇到佢。」講到公司落重本在她身上，可有壓力？JW開心謂：「老闆唔係樣樣嘢為錢，之前做嘅歌，每一首歌都有MV，之後再出碟再做演唱會，用好多資金，依家見到一間細公司越來越多人，嗰團火越來大。」

距離紅館演唱會不足一個月，JW指今次演出好努力排舞，希望給大家看到她的努力，之前有人將她唱歌及說話的聲線作比較，JW說不介意，還笑說：「做番自己，平時把聲就係咁，無理由變第二把聲仲奇怪。」

成功圓夢踏上紅館台板，JW形容是天跌下來的禮物，那麼過去可曾有氣餒的時候？JW收起笑容想了想，再認真的說：「唔可以話係（氣餒），但都要問自己，喺現實生活中無收入咁要點算？會唔會對家人係負累？所以諗係咪要做Part Time，最後我自己有同家姐online賣衫，然後又會諗係咪繼續做（歌手），或者幾年再無成績就要轉，好彩及時遇到老闆。」

不過，JW承認家人支持好重要，當日她亦有和家人傾訴，家人的反應是她想繼續的話便會支持。JW笑謂：「我嗰時有諗好多option比自己架，好似做地理老師啦，因為我係讀呢科，又諗搞下小生意、補習老師，但估唔到諗咁多嘢之後，都係返嚟呢條路，證明係緣份同天意！」

除了事業起飛，JW的愛情運也不俗，經常跟卓悅太子爺男友葉韋彤（Tarzan）孖公仔出巡，問她工作不如意時，可曾想過嫁人去便算？JW即高八度說：「太後生喇！」她又認為女仔一定要靠自己，為自己建立一些東西，「我覺得唔好諗靠人，女仔應諗為自己建立一啲嘢，成日諗住靠人，啲嘢好易冇，父母由細到大都係咁教，一定要靠自己。」

場地：Alive Studio

更多娛聞，喺晒《娛果》
http://fb.com/appledailyent

【我們的演唱會1】72歲葉振棠潮玩電動車航拍 盼搬上紅館舞台
http://bit.ly/2wJxhIp
【我們的演唱會2】江若琳露腰開騷 許志安救一命？
http://bit.ly/2gmzKOA
【我們的演唱會3】劉美君遇難越興奮：要用腦去諗嘢
http://bit.ly/2z9KSpK
【我們的演唱會4】小背心李彩華開騷怕狂喊 想榮休搵人嫁
http://bit.ly/2kRQjqX
【我們的演唱會5】at17嗌交：唔了解對方付出 唔妥講出口
http://bit.ly/2wYuaJb
【我們的演唱會6】25年後重遊《大時代》舊居 周慧敏最愛「慳妹」
http://bit.ly/2lgCDq3
【女神做過壞事 】開騷多得倪震？周慧敏：佢唔阻止我已經係最大嘅支持
http://bit.ly/2lcm0vt
【我們的演唱會7】湯寶如剷短髮爆喊 唔係想做王菲憶蓮就得
http://bit.ly/2lezu9Y
【我們的演唱會8】盧巧音與夫齊患情緒病 遺撼《好心分手》後懶散十年
http://bit.ly/2A9dPUu
【我們的演唱會9】陳柏宇紅館騷寫明要露波？唔Like但Hit嘅歌係…
http://bit.ly/2jTNx4G
【我們的演唱會（10）】吳浩康做錯嘢被前經理人侮辱 Fans撐上台
http://bit.ly/2APlvvr
【我們的演唱會（11）】衛蘭「諗」住攞女歌手？ 跳出舒適區挑戰...
http://bit.ly/2AinPKg