年過半百又使乜驚吖！？好似Rock友黃貫中（Paul）玩音樂多年，個Look永遠都係咁長青，噚日係Paul嘅53歲生日，同樣好似食咗防腐劑、45歲嘅老婆朱茵就為佢搞咗個生日會。

朱茵噚晚喺微博貼咗多張為Paul慶祝生日相，好友蔡少芬一家、陳法蓉等都有出席。朱茵除咗送香吻之外，影大合照時仲見到Paul好肉緊咁攬實老婆同囡囡黃鶯，一家人幸福滿載。相中仲有兩個大蛋糕，其中一個仲要係有支結他喺個蛋糕上面，而另一個就有個牌寫住：「老公仔爸爸，you are the best（你是最好！），love you老婆仔、鶯鶯」

朱茵喺微博留言﹕「老公黃貫中生日快樂！永遠愛你！你是我的驕傲！」老公收到當然甜在心，轉載後回覆﹕「多謝你朱茵給我的驚喜，還有朋友多才是人生最大的收穫。我愛你們。繼續工作。」