有人話，人類總會重複相同錯誤。好似日本組合KAT-TUN前成員田中聖咁，上年先因為行為不檢，被Johnny's事務所開除。

點知轉個頭又出事喇！有日本傳媒報道，早排田中聖喺twitter主動識咗個約20歲嘅女網友。佢仲係咁讚人哋玩cosplay勁可愛，又請人上自己屋企玩。女網友覺得大家話題好夾，都係動漫愛好者，咪應承隻身赴會囉。上到去傾兩傾，仲發生埋關係o添。

女網友事後影低田中聖個瞓覺樣，send俾日本週刊。女網友仲爆料，田中聖試過send下半身相俾自己。唉!咁搞法田中聖嘅形象，睇怕都好難救喇。