昨日凌晨上演世界盃決賽，全城見證西班牙封王，寇鴻萍前晚都懶理老公同案件，一心睇波。寇鴻萍63歲老公梁廷鏘近期捲入o靚模迷姦案，有指他已進行認人手續，下月再到警署報到，案件仍未明朗。事發後，寇鴻萍多次合家高調出入，食飯、幫唐貝詩慶祝生日，寇鴻萍更多次表示相信事件會有真相大白的一天。

盼主助解困

寇鴻萍當晚參加自己任職的Fortis富通保險公司睇波派對，一面享用自助餐、甜品，一面睇波，寇鴻萍在微博上載了睇波相，但與她一齊happy的，就只得大女唐貝詩，老公梁廷鏘就無聲無影。寇鴻萍全程肉緊，不時更新微博，為西班牙打氣，愛隊贏波之後，她更開心高舉V字手，大叫：「好嘢！西班牙贏了！」兩母女睇完波，相信返家大覺瞓，唐貝詩睡到昨日下午才用手機上微博，自爆「睡得天昏地暗！」
此外，寇鴻萍昨日傍晚又在微博說：「這陣子真慶幸有主賜給我智慧和力量，面對一切不實的報道，其實當我們遇上甚麼解決不了的事情時，只要好好禱告和看聖經，交給主作帶領，對主有信心，一切都會得到答案，希望大家都可以像我一樣，得到心的平安和喜悅！」
撰文：林妃